理性的盲粉- Canon EOS R5
"理性的盲粉" (長文慎入)
除了Canon，我唔識用其他既品牌，用唔熟個menu，唔慣zoom ring左右掉左方向轉之類，千萬個藉口，由我第一部舅父送我既A-1 (FD 系統)，之後讀完書夠錢買部APS-C既40D，7D，5D3，5D4 (EF系統) 到2018年推出既R，R5 (RF系統)，十多年來都係C記既盲粉，都未計EOS M1, M3同依家仍擁有既M5，還有那一堆原廠鏡頭，所以有人話攝影係會窮一生睇黎都係事實。
R5既推出，遇上全球大疫情，但又無影嚮銷情，斷貨多時，一有就搶，功能同成像一改唧牙膏式既突破，咩8K，咩4500像數，配合大光圈鏡咩EV-6都對到焦，我全部都唔知，因為我從來未玩過，掂都未掂過，回想上年某天CPS有R5同R6試玩會，我正出發上緊當時尖沙咀既毒氣室，就傳來有位清潔工友確診新冠肺炎，緊急關門消毒無得玩，就無試過了，連去零售店拎下有幾重都無。
另外疫情攪左成年，工作減少左很多，本應理性消費，器材買回來長放防潮箱只會折舊，縱使手頭工作不多，更要做好一點給仍投我信心一票既客戶用新人，希望作品更有突破，終於敢用R機開工，因為終於有雙咭，我對C記投100%信心，但張咭會跣我，風險管理，正所謂"世上只有雙咭好"
就係咁就買左部返來，其實點用，摸索中，約拍喇喂！
